Под мотото „Дефилирај не се фолирај“ се одржа марш во организација на ПХВ младинците на ОО ЦК.
Секоја година во рамките на програмата Црвен крст во Акција – Промоција на Хумани Вредности (ЦКА-ПХВ) се одбележува недела на Промоција на хумани вредности, од 21 до 27 септември. Оваа година ПХВ дефиле се организираше на 25 септември со почеток во 11.00 часот, во секој град низ државата.
Целта на настанот е сите заедно да испратат моќна порака за вклучување, соживот, толеранција и мир.
Организаторите најавија дека младите ќе одржат креативни работилници на кои ќе се изработат пораки за вклучување, мир, разбирање под мотото “Дефилирај, не се фолирај!”, “Defilo, mos u shtie!”
Во Скопје настанот започна во 11.00 пред СУГС ”Орце Николов”, по бул. Илинден до крајната дестинација „Школка“ во Градски парк каде имаше организирано пригодна програма. Рутата за дефиле беше во должина од 2 км и за време на дефилето, учесниците ги придружуваше Градскиот оркестар.
Долж рутата,дефилираа млади волонтетери,наставници,ученици, студенти, лица од трето доба, лица со попреченост… заедно во името на хуманите вредности.
Програмата Црвен крст во Акција- Промоција на Хумани Вредности (ЦКА-ПХВ) претставува национална алатка за привлекување и задржување на волонтери во Црвениот крст на Р. Северна Македонија.
„Младите добиваат обука за вредностите на Црвениот крст, учат за културата како систем од вредности, за културата на дијалог како основен предуслов за градење на интеркултурно општество. Тие во текот на овие обуки добиваат и практични знаења како да изработуваат мали проекти за добробит на заедницата во којашто живеат, а при тоа се охрабрени да ги користат сопствените капацитети за изработка на проектите преку кои помагаат на ранливото население“, велат од Црвениот крст.
Со своето присуство се придружија и младинците од ООУ ” Партенија Зографски ” Кисела Вода заедно со своите ментори и претставници и дисеминатори од ООЦК Кисела Вода.
Одговорни наставници:
Милица Миноска
Ребека Андреева
Соња Богатиновска
Напишете коментар