На ден 12.12.2023 за време на часот за секција, учениците кои ја посетуваат секцијата изработија вкупно 522 картички, за секој ученик во нашето училиште, за запишување на својата новогодишна желба. Идејата е сите ученици да размислат за она што ги прави среќни, ја напишат својата желба и со истите да се украси Новогодишната елка на училиштето. Активноста потоа ги опфаќа сите ученици, кои со одд. раководители ќе ја украсат елката со својата желба.
Учениците несебично работеа поделени во групи и парови, дел од нив сечеа картички, дел им врзуваа јазол да можат да служат како новогодишни украси, дел сечеа врвки за јазолот, дел изработија пликоа за распоред на картичките по одделенија и дел ги распоредија картичките во пликоата.
Часот помина во убава атмосфера со тимска работа, учениците посветени и со ведар и празничен дух расположени, со насмевки на лицата работеа за сите други ученици. Целта на активноста е унапредување на училишниот живот и соживот и развивање чувство за одговорност кон другите околу себе.
Одговорни наставници Соња Н. Крковска и Лидија Ристовска Атанасова
Напишете коментар